Павлодар облысында апатқа ұшыраған Ан-2 ұшағы жайлы белгілі болған деректер
Иллюстрация: Reve Art
Әуе апаты салдарынан бір ұшқыш қаза тауып, екіншісін құтқарушылар шығарып, ауруханаға жеткізді, деп хабарлайды NoFake.kz.
27 мамырда Павлодар облысында авиациялық-химиялық жұмыстарды орындап жүрген Ан-2 ұшағы апатқа ұшырады. Әуе апаты Железинка ауылының маңында болды.
Қазақстан Көлік министрлігінің мәліметінше, алдын ала деректер бойынша, әуе кемесі электр беру желілеріне ілініп кеткен.
«Әуе кемесі авиациялық-химиялық жұмыстарды орындаған. Алдын ала мәліметтер бойынша, ұшақ электр беру желілеріне ілінген. Бортта екі экипаж мүшесі болды. Оқиға салдарынан бір ұшқыш қаза тапты. Екінші ұшқышты ТЖД қызметкерлері алып шықты, ол есін біледі», — делінген хабарламада.
Қазір апат болған жерде ТЖД қызметкерлері, дәрігерлер мен ҚР Көлік министрлігі Көліктегі оқиғалар мен апаттарды зерттеу департаментінің мамандары жұмыс істеп жатыр. Апаттың мән-жайы мен себептері анықталуда.
Сонымен қатар, Көлік министрлігі Ан-2 ұшағын «Жеңіл және аса жеңіл авиация пайдаланушылары» (ЭЛИСА) ЗТБ пайдаланғанын хабарлады.
