Ақтөбе облысында үш ауысымды мектеп қалмады
Фото: Ақтөбе облысы әкімдігінің баспасөз қызметі
Ақтөбе облысының әкімі өңірде үш ауысымды мектеп мәселесі толығымен шешілгенін мәлімдеді. Бұл туралы ол Орталық коммуникациялар қызметінде өткен брифинг барысында айтты, деп хабарлайды nofake.kz/
Облыс әкімі Асхат Шахаровтың хабарлауынша, бүгінде өңірде үш ауысымды мектеп мәселесі толығымен өз шешімін тапқан.
«Біз үш ауысымды мектеп мәселесін шештік. «Келешек мектептері» жобасы мен жаңа мектептердің есебінен біз білім сапасы бойынша жаңа деңгейге өтеміз деп сенеміз.
Ата-аналар да, үлкен кісілер де бұған дейінгі мектептер мен қазіргі мектептерді көріп, қатты қуанып жатыр. Себебі жаңа мектептерде барлық жағдай жасалған, олар заманауи, жаңа құралдармен жабдықталған», — деді облыс әкімі.
