Астанада көлік қозғалысына уақытша шектеу енгізіледі: МКҚ себебін түсіндірді
Фото: sgork_official
Астанада 10-14 қазанда қала көшелерінің жекелеген бөлігінде көлік құралдарының жүруіне уақытша шектеу қойылады, деп хабарлайды Nofake.kz.
Мемлекеттік күзет қызметінің хабарлауынша, 10-14 қазанда қала көшелерінің жекелеген бөлігінде көлік құралдарының жүруіне уақытша шектеу енгізу Астанадағы бірқатар ауқымды халықаралық саяси іс-шаралар өткізілуімен байланыстырылып отыр.
«Іс-шараларда Қазақстан Республикасының арнайы мемлекеттік, құқық қорғау органдары мен Қарулы Күштерінің күштері мен құралдарын пайдалану көзделген. Оған қоса, 9 қазаннан бастап қаланың әуе кеңістігінде әскери авиацияның ұшу жаттығулары жоспарланған», — делінген хабарламада.
Ведомство елорда тұрғындары мен қонақтарынан халықаралық деңгейдегі маңызды оқиға уақытында өткізілетін қауіпсіздікті қорғау шараларына түсіністікпен қарауды сұрайды.
