«Грант алып беремін»: Астанада алаяқ 100-ден астам адамды оқуға түсіремін деп алдап кеткен
Фото: pixabay.com
Астана қаласының прокуратурасы білім беру гранттарын алуға, сондай-ақ магистратура мен докторантураға түсуге жәрдем көрсету туралы алаяқтық фактісі қылмыстық іс қозғалғанын мәлімдеді, деп хабарлайды Nofake.kz.
Прокуратураның мәліметінше, ол өзін жоғары оқу орындарында және білім саласында байланыстары бар адам ретінде таныстырып, грант немесе оқуға түсу мәселесін ақылы түрде шешіп беруге уәде еткен. Оның сөзіне сенген азаматтар оған ақша берген.
Алайда шын мәнінде ешқандай қызмет көрсетілмеген. Күдікті алған ақшаны жеке қажетіне жұмсаған.
«Нәтижесінде 111 адам зардап шегіп, келтірілген жалпы шығын шамамен 70 миллион теңгені құраған. Жәбірленушілердің көпшілігі әлі күнге дейін ақшасын қайтара алмаған. Сотталушы өз кінәсін мойындағанымен, сот оны 4 жылға бас бостандығынан айырды. Үкім 2026 жылғы 12 мамырда заңды күшіне енді», — делінген хабарламада.
Осыған байланысты, прокуратура азаматтарға жоғары оқу орындарына түсу мен білім гранттарын алу тек заңды жолмен жүзеге асырылатынын ескертеді. Сол себепті құзырлы ведомство грант немесе оқуға түсіру мәселесін ақшаға шешіп беремін деген адамдарға сенбеуге шақырады.
