Құтқарушылар тікұшағы Павлодар маңына қонуға мәжбүр болды — ТЖМ
Фото: МЧС РК
Павлодар өңірінде іздестіру-құтқару жұмыстарын жүргізіп жатқан «Қазавиақұтқару» АҚ-ның тікұшағы Байдалы ауылынан бірнеше шақырым жердегі ашық далаға қонуға мәжбүр болды, деп хабарлайды NoFake.kz.
Павлодар облысында іздестіру-құтқару жұмыстарын жүргізу барысында «Қазавиаспас» АҚ-ның тікұшағы Байдалы ауылынан бірнеше шақырым жердегі далаға мәжбүрлі жағдайда қонды, — деп хабарлады ТЖМ.
Тікұшақ 1950 жылы туған азаматты іздеу операциясына жұмылдырылған болатын. Алдын ала мәлімет бойынша, ер адам балық аулау кезінде мотоциклімен аударылып, аяғынан жарақат алған. Содан кейін ол құтқару қызметінен көмек сұраған.
Жоғалған тұрғынды іздеу жұмыстары бір тәулікке жуық уақытқа созылды. Шараға жергілікті құтқару күштері мен еріктілер жұмылдырылды.
«Жүргізілген ауқымды іздестіру шараларының нәтижесінде ер адам аман-есен табылды. Оған қазіргі уақытта барлық қажетті медициналық көмек көрсетілді, өмірі мен денсаулығына төніп тұрған қауіп жоқ», — деп хабарлады ҚР ТЖМ ресми өкілі Динара Нұрғалиева.
Тікұшақ бортындағы жағдай
Тікұшақ бортында экипаж мүшелері мен құтқарушылар болған. Ресми ақпаратқа сәйкес зардап шеккендер мен қаза тапқандар жоқ. Авиациялық оқиғаның орын алу себептері мен мән-жайы анықталып жатыр. Арнайы комиссия тексеріс жұмыстарын бастады.
