Желі неге шулады?

Әлеуметтік желі қолданушыларының арасында Қарағандыдағы университтердің бірінде туберкулез таралғаны, сол себепті топтарды карантинге жабуы қажет туралы ақпарат тарады.

Санитариялық-эпидемиологиялық бақылау департаменті не дейді?

Аталған ақпараттың рас-өтірігін білу үшін, Қарағанды облысының санитариялық-эпидемиологиялық бақылау департаментіне хабарластық. Ведомство желіде тараған ақпарат шындыққа сәйкес келмейтінін мәлімдеді.

«Қарағанды қаласындағы академик Е.А. Бөкетов атындағы Қарағанды ұлттық зерттеу университетіндегі туберкулезге қатысты жағдай туралы әлеуметтік желілерде, оның ішінде қажетті шаралардың қабылданбағаны және ауруға шалдыққандардың саны туралы шындыққа сәйкес келмейтін ақпарат таралып жатқанын хабарлайды. Аталған ақпарат шындыққа сәйкес келмейді», — делінген хабарламада.

Сондай-ақ ведомство қазіргі уақытта тіркелген туберкулез жағдайы бойынша эпидемиологиялық тексеру жүргізіліп жатқанын алға тартты.

«Инфекция ошағында оны оқшаулауға және инфекцияның одан әрі таралуына жол бермеуге бағытталған қажетті санитариялық-гигиеналық, емдеу-профилактикалық және эпидемияға қарсы іс-шаралар кешені ұйымдастырылып, жүргізілуде», — делінген хабарламада.

Департамент мәліметінше, әлеуметтік желілерде таралып жатқан ауруға шалдыққандардың саны туралы ақпарат ресми деректермен расталмаған.

«Эпидемиологиялық тексеру аяқталып, расталған деректер алынуына қарай оның нәтижелері туралы өзекті ақпарат ұсынылады. Сондай-ақ, Қазыбек би атындағы ауданның санитариялық-эпидемиологиялық бақылау басқармасы карантин енгізу туралы қаулы шығарған жоқ», — делінген хабарламада.

Ведомство азаматтарды тексерілмеген ақпаратты таратпауға және тек мемлекеттік органдардың ресми мәліметтеріне сүйенуге шақырды. Эпидемиологиялық тексерудің қорытындысы тексеру толық аяқталып, барлық дерек нақтыланғаннан кейін Қарағанды облысының санитариялық-эпидемиологиялық бақылау департаментінің ресми интернет-ресурсында жарияланады.

Түйін

Осылайша, Қарағанды ұлттық зерттеу университетіндегі туберкулез жағдайына қатысты әлеуметтік желілерде тараған науқастардың саны мен тиісті шаралар қабылданбағаны туралы ақпарат әзірге ресми түрде расталған жоқ. Санитариялық-эпидемиологиялық бақылау департаментінің мәліметінше, эпидемиологиялық тексеру әлі жалғасып жатыр. Сондай-ақ Қазыбек би ауданында карантин енгізу туралы қаулы қабылданбаған. Тексеру аяқталғаннан кейін нақты деректер ведомствоның ресми ресурстарында жарияланады.

Сообщение Қарағандыдағы университеттердің бірінде туберкулез тарағаны рас па появились сначала на NoFake.

«Бүгін, 25 қыркүйекте, сағат 09:15 шамасында үздіксіз жүргізілген іздестіру-құтқару жұмыстары барысында бұған дейін із-түзсіз жоғалған екі әскери қызметшінің – сержант Мансұр Гумаров пен матрос Мирас Тұрдыбекұлының денелері табылды», — делінген хабарламада.

Еске салайық, қайғылы оқиға оқу-жауынгерлік міндетті орындау барысында ауа райының кенеттен күрт нашарлауынан орын алып, нәтижесінде 17 әскери қызметшіні ашық теңізге алып кеткен болатын. Олардың үшеуі құтқарылып, 14 әскери қызметші қаза тапты. Оқиға бойынша қылмыстық іс қозғалып, тергеу басталды. Қайғылы жағдайға байланысты 25 қыркүйек Қазақстанда Жалпыұлттық аза тұту күні болып жарияланды.

Сообщение Каспий теңізінде жоғалған екі әскери қызметшінің денесі табылды: іздестіру операциясы аяқталды появились сначала на NoFake.

«12 сараптама тағайындалды. Қызметке салғырт қарады деп күдік келтірілген, сондай-ақ метеорологиялық жағдайларды ескере отырып, жеке құрамның қауіпсіздігін қамтамасыз ету үшін тиісті бақылау мен қажетті шаралардың қабылдануын қамтамасыз етпеген, құтқару жұмыстарын тиісінше ұйымдастырмаған, соның салдарынан адамдардың қаза болуына әкеп соққан лауазымды тұлғалар анықталды», — делінген хабарламада.

Прокуратура тергеу барлық күдіктілердің әрекеттеріне толық құқықтық баға беріп, оларға қатысты процестік шаралар қабылдайтынын жеткізді.

Айта кетейік, кеше Каспийдегі оқу-жаттығу кезінде 12 сарбаз суға батып, тағы екі сарбаздың денесі іздестіріліп жатыр. Ал, 3 сарбаз құтқарылып, олардың біреуі ауруханаға жатқызылған болатын. ҚР Үкімет басшысының орынбасары Қанат Бозымбаев Маңғыстау өңіріне аталған оқиға бойынша арнайы сапармен жеткен еді. Қазақстанда бүгін, қайғылы оқиғаға байланысты Ұлттық Аза тұту күні деп жарияланды.

Сообщение Каспийдегі сарбаздардың қазасы: Бас прокуратура жауапты тұлғаларды анықтады появились сначала на NoFake.

Ақорда хабарлауынша, Мемлекет басшысы Үкіметтік комиссияға оқиғаның барлық мән-жайын анықтау үшін қажетті шаралар қабылдауды тапсырды.

Сонымен қатар Президент қаза тапқан әскери қызметшілердің отбасыларына тиісті көмек көрсетуді жүктеді.

Бұған дейін Маңғыстау облысында әскери оқу-жаттығу кезінде әскери қызметшілер қаза тапқаны туралы жазған болатынбыз. Оқиғаның себептерін тергеп-тексеру үшін Үкіметтік комиссия құрылып, қылмыстық іс қозғалды.

Сообщение Президент Маңғыстауда қаза тапқан әскери қызметшілердің отбасыларына көңіл айтты появились сначала на NoFake.

Жедел-тергеу тобы құрылып, оқиға орнында Ішкі істер және Төтенше жағдайлар министрліктерінің, сондай-ақ прокуратура органдарының қызметкерлері жұмыс істеп жатыр.

«Оқиғаның барлық мән-жайларын жан-жақты, толық әрі объективті анықтауға бағытталған тергеу әрекеттерінің кешені жүргізілуде. Қажетті сот сараптамалары тағайындалды», — делінген ресми хабарламада.

Тергеу барысы ерекше бақылауға алынған. Бұған дейін Қорғаныс министрлігі 24 қыркүйекте Маңғыстау облысында Әскери-теңіз күштерінің оқу-жаттығуы кезінде ауа райы күрт нашарлап, желдің күшеюінен 19 әскери қызметшіні теңіз алып кеткенін хабарлаған. Соңғы ресми мәлімет бойынша, олардың тоғызы қаза тапқан, үшеуі құтқарылған. Қалған әскери қызметшілерді іздестіру жұмыстары жалғасып жатыр.

Үкіметтік комиссия құрылды

Маңғыстау облысында әскери оқу-жаттығу кезінде әскери қызметшілердің қаза болу себептерін тергеп-тексеру үшін үкіметтік комиссия құрылды. Тиісті өкімге Премьер-министр қол қойды.

Комиссия құрамына Қорғаныс министрі, Маңғыстау облысының әкімі, Еңбек және халықты әлеуметтік қорғау, Төтенше жағдайлар, Денсаулық сақтау және Көлік министрліктерінің басшылығы кірді. Сондай-ақ комиссия жұмысына Бас әскери прокурор мен Шекара қызметінің өкілдері қатысады.

Үкіметтік комиссияға Премьер-министрдің орынбасары Қанат Бозымбаев төрағалық етеді.

«Премьер-министр Олжас Бектенов Комиссия төрағасы Қанат Бозымбаевқа оқиға орнына шұғыл барып, әскери қызметшілердің қаза болу себептерін тергеп-тексеруді қамтамасыз ету және қаза тапқандардың отбасыларына қажетті көмек көрсету шараларын қабылдауды тапсырды», — делінген Үкімет хабарламасында.

Әзербайжан Каспий теңізінде қазақстандық әскери қызметшілердің қаза болуына байланысты көңіл айтты.

«Қазақстан Әскери-теңіз күштерінің Каспий теңізіндегі оқу-жаттығуы кезінде адамдардың қайғылы қазаға ұшырағаны туралы хабарды зор күйзеліспен қабылдадық. Қаза тапқан әскери қызметшілердің отбасылары мен жақындарына, сондай-ақ бауырлас Қазақстан халқына және Үкіметіне шын жүректен көңіл айтамыз. Алла марқұмдардың жатқан жерін жайлы етіп, отбасыларына осы қиын кезеңде күш-қуат пен сабыр берсін. Әлі күнге дейін із-түзсіз жоғалғандар қатарында жүрген азаматтардың аман-есен табылуына үміттенеміз және зардап шеккен әскери қызметшілердің тезірек сауығып кетуін тілейміз», — делінген Әзербайжан Сыртқы істер министрлігінің бейсенбі күні таратқан мәлімдемесінде.

Сообщение Ақтаудағы әскери қызметшілердің қазасы: Не белгілі появились сначала на NoFake.