Киберқылмыс бойынша қанша іс сотқа жетті: Бас прокуратура мәлімдемесі
Фото: пресс-служба AntiFraud Forum Kazakhstan
Қазақстанда жыл басынан бастап 2000-нан астам киберқылмыс ісі сотта қаралған, деп хабарлайды Nofake.kz.
AntiFraud Forum Kazakhstan форумында ҚР Бас прокуратурасының Құқықтық статистика және арнайы есеп комитетінің орынбасары Ерәділ Ахметов сот жүйесінің әлсіздігі және алаяқтарға жазаның жоқтығы жөнінде кең тараған мифті жоққа шығарды.
Оның айтуынша, сотқа жеткен киберқылмыс істері бойынша оң динамика байқалады. Осылайша, биылғы жылдың алғашқы үш айында осындай істердің саны өткен жылдың сәйкес кезеңімен салыстырғанда 47%-ға артқан.
«Биыл соттарға 2000-нан астам іс жіберілді, ал өткен жылы олардың саны шамамен 1300 болды. Мемлекеттік органдар, операторлар, банктер және ҮЕҰ жүргізіп отырған жұмыс өз нәтижесін беруде. Соттарға жіберілетін істердің саны өсуде, сәйкесінше қылмыстық құқық бұзушылықтарды ашу көрсеткіші де артып келеді», — деді ол.
Айта кетейік, бұған дейін ҚР Жасанды интеллект және цифрлық даму министрлігінің Ақпараттық қауіпсіздік комитеті басшысының орынбасары Үмітжан Арықбекова азаматтардың жеке дерегі тараған сәтте не істеу қажеттігін түсіндірген еді.
