Ақмола облысындағы бөгет бұзылуына қатысты ТЖД мәлімдеме жасады
Скрин видео
Ақмола облысында бөгет бұзылуына қатысты ТЖД жауап берді, деп хабарлайды NoFake.kz.
Қорғалжын ауданында «Шоптыкөл» бөгетінің бұзылғаны тіркеліп, қазіргі уақытта апатты-қалпына келтіру жұмыстары жүргізіліп жатыр,
«Қорғалжын ауданындағы “Шоптыкөл” бөгетінің бұзылуы Сабынды ауылынан солтүстікке қарай 2 шақырым жерде тіркелді. Қазіргі уақытта суды қауіпсіз өткізу бойынша жедел жұмыстар жүргізіліп жатыр. Апат салдарын жоюға Төтенше жағдайлар министрлігі, жергілікті атқарушы органдар, полиция және жол қызметтері жұмылдырылды», – деп мәлімдеді ТЖД.
ТЖД мәліметінше, жалпы 170-ке жуық адам мен 43 бірлік техника тартылды. Бөгетті нығайту, инертті материалдар төгу және суды бұру жұмыстары жүргізіліп жатыр.
