Каспийдегі қайғылы оқиға туралы жазғандарға полиция хабарласқаны рас па — ІІМ жауап берді
Фото: Depositphotos
Қазақстан Ішкі істер министрлігі Ақтаудағы қайғылы оқиға туралы әлеуметтік желіде жазба жариялаған қолданушыларға полиция қызметкерлері хабарласып, жазбаларын өшіруді талап етпеген.
Құрылтай аясындағы брифингте журналистер Әділовтен полицияның мұндай жазбалардың авторларымен шынымен байланысқа шыққан-шықпағанын сұрады.
«Сіз айтып отырған ақпараттың ешқайсысы расталмайды. Полиция қызметкерлері ешкімге қоңырау шалған жоқ. Сонымен қатар ішкі істер органдарының қызметкерлері Маңғыстау облысында қоғамдық тәртіпті тиісті деңгейде қамтамасыз етті. Қазір де жалпы ел бойынша қоғамдық тәртіп қамтамасыз етіліп отыр», — деді ІІМ басшысының орынбасары.
Еске салсақ, 24 қыркүйекте Маңғыстау облысында өткен оқу-жаттығу кезінде Каспий теңізінде 14 әскери қызметші қаза тапты. Қайғылы оқиғадан кейін кейбір қазақстандықтар полиция тарапынан қысым жасалғанын және әлеуметтік желідегі жазбаларды өшіру талап етілгенін мәлімдеген еді.
