Қазақстанда бір тәулікте үш рет жер сілкінді
Фото: vlast.kz
28 қыркүйекте Алматы облысында жер сілкінісі тіркелді. Бұл – бүгін Қазақстан аумағында тіркелген үшінші сейсмикалық оқиға. Соңғы жерасты дүмпулері Нарынқол мен Кеген ауылдарында сезілді.
ҚР ТЖМ «Сейсмологиялық зерттеу институты» ЖШС сейсмикалық станциялар желісі жер сілкінісін Астана уақытымен сағат 13:53-те тіркеген.
«Жер сілкінісінің ошағы Қазақстан аумағында Алматы қаласынан оңтүстік-шығысқа қарай 254 шақырым жерде орналасқан. Есептік қарқындылығы Нарынқол ауылында 2–3 балл, Кеген ауылында 2 баллды құрады», – делінген ТЖМ хабарламасында.
Жер сілкінісінен кейін «Қазселденқорғау» мамандары өзен арналарына, гидротехникалық құрылыстарға, көшкін және сел қаупі бар учаскелерге мониторинг жүргізді. Сондай-ақ тіршілікті қамтамасыз ету нысандары тексерілді.
«Тексеру нәтижелері бойынша зақымдану табылған жоқ, қазіргі уақытта аталған объектілер штаттық режимде жұмыс істейді. Қираулар мен зардап шеккендер туралы мәлімет түскен жоқ. Жағдай тұрақты», – деп хабарлады ведомство.
Еске салайық, бүгін бүгін таңғы сағат 06:30 шамасында Алматы тұрғындары әлеуметтік желілерде жер асты дүмпулерін сезген. Кейін сағат 09:38-де ҚР ТЖМ «СБЗҰҒО» ЖШС сейсмикалық станциялар Алматыда тағы жер сілкінісін тіркеді.
