Қазгидромет Ирандағы «қышқыл бұлттар» туралы тараған ақпаратты жоққа шығарды
Фото: сайт Қазгидромет
ҚазГидромет Иран үстіндегі «қышқыл бұлттар» туралы ақпаратқа түсініктеме берді, деп хабарлайды NoFake.kz.
Әлеуметтік желілерде Иран аумағының үстінде «қышқыл бұлттар» пайда болып, олар Орталық Азия елдеріне жетуі мүмкін деген ақпарат таралуда.
«Қазгидромет» Орталық Азияға қарай жылжып бара жатқан «қышқыл бұлттар» туралы хабарламаларды жоққа шығарды
«Иран үстінде пайда болды делінген және Орталық Азия елдеріне жетуі мүмкін деген «қышқыл бұлттар» туралы ақпарат ғылыми деректермен де, жүргізілген бақылаулармен де дәлелденбеген. Қышқыл жауын-шашындар атмосфераға негізінен өнеркәсіп, энергетика және көлік көздерінен бөлінетін күкірт пен азот оксидтерінің әсерінен түзіледі. Әдетте мұндай құбылыстар ластаушы көздерге жақын аймақтарда байқалады. Ауа массалары алыс қашықтыққа таралған кезде бұл заттардың концентрациясы атмосферадағы табиғи процестердің әсерінен едәуір төмендейді»-деп мәлімдеді ҚазГидромет баспасөз қызметі.
Мониторинг деректеріне сәйкес, мұндай ластаушы заттардың Қазақстан мен Орталық Азия елдері бағытына таралу белгілері тіркелген жоқ. Осыған байланысты мамандар тұрғындарға ұлттық метеорологиялық және экологиялық қызметтердің ресми деректеріне сүйеніп, тексерілмеген ақпаратты таратпауға кеңес береді.
Қазгидромет мамандарының мәліметінше, мұндай хабарламалар жүргізілген бақылаулар нәтижесімен расталмайды. Иран үстінде пайда болды делінген және Орталық Азия елдеріне жетуі мүмкін деген «қышқыл бұлттар» туралы ақпарат ғылыми деректермен де, жүргізілген бақылаулармен де дәлелденбеген.
