Көлік жүргізушілері құжатты өзімен бірге алып жүруі тиіс – жалған
Фото: gov.kz
ҚР ІІМ көлік жүргізушілері барлық құжатты өзімен бірге міндетті түрде алып жүруі тиіс деген ақпаратты жоққа шығарды, деп хабарлайды nofake.kz/.
WhatsApp желісінде енді көлік жүргізушілері барлық құжатты міндетті түрде өзімен бірге алып жүруі тиіс деген дыбыстық хабарлама тарауда.
ҚР ІІМ аталған жайтқа қатысты түсініктеме берді.
«WhatsApp желісіндегі жүргізушілер енді барлық құжаттарды міндетті түрде өзімен бірге алып жүруі керек деген дауыс хабарламасы шындыққа жанаспайды. Расталмаған ақпаратты таратпауға және тек ресми дереккөздерге сенуге шақырамыз», — делінген хабарламада.
Айта кетейік, бұған дейін ҚР ІІМ алаяқтар жүк тасымалы кезінде қалай алдайтынын мәлімдеген еді.
