Нидерланд парламенті петарда мен фейерверкке тыйым салды
Фото: in.pinterest.com
2025 жылы Жаңа жыл түнінде Нидерланд тұрғындары соңғы рет петард пен фейерверк қолдана алады; 2026 жылдан бастап тек кәсіби шоуға рұқсат, деп хабарлайды nofake.kz/.
Bild басылымының хабарлауынша, өрт сөндірушілер, полиция және ауруханалар алдағы түнде осыған қатысты мәселелер туындауы мүмкін екенін ескерткеннен кейін осындай тыйым қабылданды. Соңғы рет мерекелеуді жоспарлап жүрген адамдардың көп болуы салдарынан фейерверк сатылымы өткен жылмен салыстырғанда шамамен 20%-ға артқан.
Полиция мәліметінше, үлкен, қуатты петардалар контрабандасы да өсіп келеді. Желтоқсан ортасына дейін құқық қорғау органдары 65 000 кг-нан астам заңсыз пиротехниканы тәркілеген. Қараша-желтоқсан айларында осындай өнімдерді пайдалану салдарынан бірнеше адам жарақат алған. 10 жасөспірімге білек, саусақ ампутациясы жасалған. 2024 жылы мұндай жағдай тек төрт рет тіркелген.
I&O Research институтының сауалнамасына сәйкес, нидерландтықтардың 62%-ы тыйымды қолдайды. Соңғы жылдары полиция, өрт сөндірушілер және құтқарушылар фейерверкті қолданған шабуылдарға жиі тап болып, адамдар жарақат алған жағдайлар тіркелген. Заңды шектеуді дәрігерлер, құқық қорғау органдары, муниципалитеттер, жануарларды қорғаушылар және экологиялық ұйымдар ұзақ жыл бойы қолдап келген.
