Зейнетақы жинағын үй алу мен ипотеканы өтеуге қалай қолданамыз

Қазақстан азаматтары БЖЗҚ-дағы жеткіліктілік шегінен асатын зейнетақы жинақтарын тұрғын үй сатып алу кезінде бастапқы жарна ретінде және ипоетка қарызын өтеуге пайдалана алады. nofake.kz/ артық ақшаңызды қалай пайдалануға болатынын түсіндіреді.

1-қадам. Жеткіліктілік шегінен асқан соманы тексеру

Алдымен азамат БЖЗҚ-ның жеке кабинетіне кіріп, өз жинағының көлемін және пайдалануға рұқсат етілген артық соманы анықтайды.

2-қадам. Артық соманы Отбасы банкінің платформасына аудару

Жеткіліктілік шегінен асатын қаражат Отбасы банкінің уәкілетті платформасы (enpf-otbasy.kz) арқылы арнайы шотқа аударылады. Бұл қаражатты қолма-қол шешіп алу мүмкін емес.

3-қадам. Мақсатты таңдау

Платформада қаражатты пайдалану мақсаты көрсетіледі. Зейнетақының артық сомасын мына мақсаттарға бағыттауға болады:

тұрғын үй сатып алу;

ипотекаға бастапқы жарна төлеу;

қолданыстағы ипотекалық қарызды толық немесе ішінара өтеу;

ипотеканы қайта қаржыландыру.

Таңдалған мақсатқа сәйкес жүйе қажетті құжаттар тізімін ұсынады.

4-қадам. Отбасы банкте арнайы шот ашу

Зейнетақы қаражаты тікелей азаматтың қолына берілмейді. Ол Отбасы банкінде ашылған арнайы шотқа аударылады. Бұл шот тек тұрғын үй операцияларына арналған.

5-қадам. Құжаттарды жүктеу және өтінім беру

Платформада:

сатып алу-сату шарты;

ипотекалық келісімшарт;

банк анықтамалары сияқты құжаттар электронды түрде тіркеледі. Барлық дерек дұрыс болған жағдайда өтінім қабылданады.

6-қадам. Қаражатты мақсатты пайдалану

Мақұлданғаннан кейін зейнетақының артық сомасы: сатушыға, банкке тікелей аударылады. Қаражатты өзге мақсатқа пайдалану заңмен шектелген.

Тағы қандай мүмкіндіктер бар

Нені ескеру керек

• Тек жеткіліктілік шегінен асқан сома ғана пайдаланылады;
• Қаражат тек тұрғын үй мақсаттарына бағытталады;
• Процесс тек БЖЗҚ мен Отбасы банкінің ресми платформалары арқылы жүзеге асады.

Осылайша, БЖЗҚ-дағы артық зейнетақы жинақтарын пайдалану — бастапқы жарна жинауда қиындық көріп жүрген азаматтар үшін ең жылдам әрі заңды жолдардың бірі.