Трамп туралы SMS есепшоттарды бұзады деген фейк таралды
Фото: РБК Стиль
Әлеуметтік желілерде АҚШ президенті Дональд Трамптың «қамауға алынуы» туралы жаңалық бар SMS-хабарламаның мәтінін ашу банктік есепшоттардың бұзылуына әкеледі деген хабарламалар тарады, деп хабарлайды nofake.kz/.
2026 жылдың қаңтар айында мұндай ескертулер Facebook, Instagram, Threads және X желілерінде жаппай пайда болды. Пайдаланушыларды осындай хабарламаларды ашпауға және «ескертуді» шұғыл түрде достары мен туыстарына жіберуге шақырды.
Алайда тексеру бұл ақпараттың шындыққа сәйкес келмейтінін көрсетті. Фактчекингпен айналысатын Snopes ресурсы мұндай схемаға байланысты нақты SMS-хабарламалардың скриншоттары да, мәтіндері де табылмағанын хабарлады. Сонымен қатар, қауесеттің таралу көзі де анықталмаған.
«Осылайша, “Трамптың қамауға алынуы туралы алаяқтық SMS” жайлы хабарламалар ойдан шығарылған және ешқандай фактілермен расталмайды», — деп жазады басылым.
Сондай-ақ, осындай қорқынышты таралым 2016 жылы да болғаны және оның жалған екені әшкереленген болатын.
