YouTube жасанды интеллект тақырыбындағы арналарды жоя бастады
Фото: depositphotos
2026 жылдан бастап YouTube платформасы ЖИ тақырыбында танымал болған бірнеше арнаны жойған, деп хабарлайды nofake.kz/.
Jiti.kz хабарлауынша, бұл шара платформаның сапасыз ЖИ контентінің таралуын төмендетуге бағытталған.
Қандай арналар жойылды және олардың ерекшеліктері
Kapwing зерттеуінше, YouTube-те ең көп оқырманы бар «CuentosFacianantes» арнасы жойылған. Бұл арнада 5,9 миллионнан астам оқырман болған және видеолардың жалпы қаралымы 1,2 миллиардты құраған. Арна негізінен Dragon Ball туралы төмен сапалы контент ұсынған. Сонымен қатар, «Imperio de Jesus» арнасы да жойылғаны анықталды. Онда 5,8 миллион оқырман болған және ол Исаға сенімді нығайтуға арналған ойындар туралы материалдар ұсынған.
YouTube өкілдері не дейді
YouTube бас директоры Нил Мохан қолданушыларға жазған хатында сапасыз ЖИ контентін азайту үшін, арнайы жүйелерді жетілдіру жоспары туралы айтқан. Бұған дейін YouTube жалған және жасанды белгілері бар фильм трейлерлерін және басқа да бұрмаланған контентті жойып отырған.
Одан бөлек, Kapwing тізіміндегі тағы 16 арнаның жойылғаны немесе видеоконтентсіз қалғаны анықталды. Мәселен, «Super Cat League» арнасының видеолары жоқ, бірақ арна әлі де қолжетімді. Бұл арнада ЖИ және мысықтар туралы ерекше видеолар болған.
YouTube әзірге аталған арналардың жойылу уақыты мен нақты себебі туралы ресми мәлімдеме жасамады.
