Threads-та фитнес абонемент алмақ болған қосшылық алаяққа алданды
Фото: Depositphotos
Қосшы қаласының полиция бөлімінде 24 жастағы жергілікті тұрғын зардап шеккен интернет — алаяқтық фактісі тергеліп жатыр, деп хабарлайды NoFake.kz.
Полицияның мәліметінше, наурыз айының соңында қыз Тhreads әлеуметтік желісінде елорданың фитнес-залдарына тартымды бағамен абонементтер ұсынатын мобильді қосымшаның жарнамасын көріп қалған. Ұсынысқа қызығушылық танытып, ол WhatsApp мессенджері арқылы жарияланым авторына хабарласқан.
«Сатып алу шарттарын талқылағаннан кейін өтініш беруші көрсетілген шотқа 80 000 теңге аударған. Алайда, қолма-қол ақшаға ие болған «сатушы» байланысқа шығуды тоқтатқан. Бір апта ішінде қыз сервис әкімшілерінен жауап күткен, бірақ ол абонемент те, ақшаны да жоқ»,-деп мәлімдеді полиция департаменті.
Алданып қалғанын түсінген зардап шегуші полицияға жүгінді. Қазіргі уақытта осы факт бойынша сотқа дейінгі тергеу жүргізіліп жатыр.
