Конституция жобасында ел атауы «Қазақия» болып өзгереді деген ақпарат — фейк
Фото: Gov.kz
Әлеуметтік желілерде Конституцияның жаңа жобасында Қазақстан Республикасының атауы өзгертіліп, «Қазақия» деп аталатыны туралы жалған ақпарат тарап жатыр, деп хабарлайды nofake.kz/.
Жалпыұлттық талқылауға ұсынылған Конституцияға өзгерістер мен толықтырулар жобасында мемлекет атауын өзгерту туралы норма қарастырылмаған. Құжаттың 5-бабында «Қазақстан Республикасы» мен «Қазақстан» атауларының мәні бірдей екені нақты көрсетілген.
Айта кетейік, Жаңа Конституция жобасының толық мәтіні ресми түрде Егемен Қазақстан және Казахстанская правда газеттерінде, сондай-ақ Қазақстан Республикасының Конституциялық Соты ресми сайтында жарияланып, бүкілхалықтық талқылауға шығарылған.
