Алматыда интернет-алаяқтық пен заңсыз автонесиелер схемасы әшкереленді
Фото: freepik.com
Алматы қаласы прокуратурасының үйлестіруімен құқық қорғау органдары жалпы 300 млн теңгеден астам шығын келтірген интернет-алаяқтық пен несиелерді заңсыз рәсімдеуге қатысы бар қылмыстық топтарды ұстады, деп хабарлайды nofake.kz/.
«Бірінші жағдайда шабуылдаушылар өздерін мемлекеттік органдар мен банктердің қызметкерлері ретінде көрсете отырып, қарт азаматтардан ақшаны, оның ішінде пәтерлерді сатудан алынған және банк депозиттерінен алынған ақшаны ұрлап кеткен. Ақшаны беру жеткізу қызметтерінің курьерлері арқылы жүзеге асырылған. Екінші эпизодта әлеуметтік осал тұлғаларға қайтарымсыз автокредиттерді рәсімдеп, кейіннен автокөліктерді, оның ішінде ҚР аумағынан тысқары жерлерге әкетіп, қайта сатқан ұйымдасқан топ анықталды. Қаржы ұйымдарына келтірілген шығын 66 млн теңгеден асты», — деп хабарлады Алматы қаласының прокуратурасы.
Жедел-тергеу шаралары барысында 10-нан астам күдікті ұсталды, күдіктілердің біреуіне іздеу жарияланды, ондаған тінту жүргізіліп, ақшалай қаражат, қару, ұялы телефондар мен құжаттар тәркіленді.
Алматы қаласы прокуратурасының ескертуінше, мемлекеттік органдар мен банктер ақша беруді талап етпейді, қылмыстық істерді сылтауратып, қоқан-лоқы көрсетіп немесе қорқытып қоңырау шалмайды. Күдікті қоңыраулар шалынған жағдайда дереу құқық қорғау органдарына жүгінгені абзал.
